အလေးထားရမည့် ညွှန်းပြမြေပုံများ အမှတ် – (၈၄) စစ်ကောင်စီနှင့် MNDAA အကြား အပစ်ရပ်သဘောတူပြီးနောက် ရှမ်းမြောက်ရှိ ရန်လုံကျိုင်း၊ ချင်းရွှေဟော်နှင့် နမ့်တစ် ဂိတ်သုံးခုကို တရုတ်နိုင်ငံက ပြန်ဖွင့်လိုက်သည်။ မြန်မာ-တရုတ်နယ်စပ်တွင် နယ်စပ်ဂိတ်ပေါင်း ၁၉ ခု ရှိသည့်အနက် ရှမ်းမြောက်နှင့် ရှမ်းအရှေ့ရှိ ဂိတ်ခြောက်ခုကို တရုတ်နိုင်ငံက အကန်အသတ်ဖြင့် ဖွင့်ပေးထားပြီး TNLA နှင့် MNDAA ထိန်းချုပ်ထားသည့် ဂိတ်သုံးခုကို ဆက်လက်ပိတ်ထားသည်။ အပြည့်အစုံကို “ISP ကပြင်ရပ်ဝန်း” ၌ ဖတ်ရှုနိုင်ပါသည်။ ထိုသို့ ဖတ်ရှုရန်အတွက် ““ISP ကပြင်ရပ်ဝန်း” အဖွဲ့ဝင် ဖြစ်ရန် လိုပါသည်။ https://ispmyanmar.com/community/mp-84/ ➤ “ISP ကပြင်ရပ်ဝန်း” အဖွဲ့ဝင်ဖြစ်ရန် အောက်ပါ link သို့ ဝင်ရောက်ပြီး အခမဲ့ ချိတ်ဆက်နိုင်ပါသည် https://ispmyanmar.com/community/register/

မြန်မာနိုင်ငံနှင့် အိမ်နီးချင်းနိုင်ငံများအကြား ကုန်သွယ်နေသော နယ်စပ်ကုန်သွယ်ရေးစခန်း စုစုပေါင်း ၁၇ ခုရှိသည်။ ၎င်းတို့အနက် ခုနစ်ခုကို တိုင်းရင်းသား လက်နက်ကိုင်တပ်ဖွဲ့များ (EAOs) နှင့် တော်လှန်ရေးအင်အားစုများက ထိန်းချုပ်ထားသည်။

‘စစ်ဆင်ရေး ၁၀၂၇’နောက်ပိုင်း တိုင်းရင်းသားလက်နက်ကိုင်တပ်ဖွဲ့များနှင့် တော်လှန်ရေးအင်အားစုများ၏ နယ်မြေထိန်းချုပ်နိုင်မှုပမာဏ ပိုမိုများပြားလာခဲ့သည်။ နယ်စပ်ဒေသတလျှောက် နယ်မြေအများစုကို ထိန်းချုပ်နိုင်ခဲ့ကြပြီး မြို့ပေါင်း ၉၁ မြို့အထိ သိမ်းယူနိုင်ခဲ့ကြသည်။

မြန်မာ-တရုတ်နယ်စပ်တွင် တရားဝင်ကုန်သွယ်ရေးစခန်း ငါးခုရှိသည့်အနက် လေးခုကို တိုင်းရင်းသား လက်နက်ကိုင်အဖွဲ့ (EAOs) များက ထိန်းချုပ်ထားသည်။ အာဏာသိမ်းပြီးနောက်ပိုင်း ၂၀၂၄ ခုနှစ် ဇွန်လအထိ ထိုကုန်သွယ်ရေးစခန်း လေးခု၏ ကုန်သွယ်မှုတန်ဖိုးမှာ အမေရိကန်ဒေါ်လာ ၁၀ ဘီလီယံနီးပါးရှိခဲ့သည်။

မြန်မာ-တရုတ်နယ်စပ်ရှိ နယ်စပ်ဂိတ်ပေါင်း ၁၉ ခုအနက် ခြောက်ခုကို တရုတ်နိုင်ငံက ဆက်ပိတ်ထားသည်။ ထိုဂိတ်များမှာ UWSA ၊ MNDAA နှင့် TNLA တို့ ထိန်းချုပ်ထားသည့် ဂိတ်များဖြစ်သည်။ ယခင်ပိတ်ထားခဲ့သော နယ်စပ်ဂိတ်များအနက် KIA ထိန်းချုပ်ထားသည့် ဂိတ်ခုနစ်ခုကို တရုတ်နိုင်ငံက ပြန်ဖွင့်ပေးထားသည်။

တိုက်ပွဲဖြစ်ခဲ့သော မြို့နယ် ၂၄၃ မြို့နယ်၏ ပဋိပက္ခ ပြင်းထန်သက်ရောက်မှုအခြေအနေကို လုံခြုံရေး၊ လူသားချင်းစာနာမှုနှင့် ပြည်သူ့ဝန်ဆောင်မှုဆိုင်ရာ အကျပ်အတည်း စသော ညွှန်းကိန်းသုံးခုဖြင့် ISP-Myanmar က သုတေသနပြု လေ့လာခဲ့သည်။ ညွှန်းကိန်းသုံးခုလုံး ပြင်းထန်သက်ရောက်သော မြို့နယ် ၈၇ မြို့နယ်ရှိပါသည်။

စစ်ကောင်စီ၏ အခြေစိုက်စခန်းပေါင်း ၁၇၄ ခု*ထက်မနည်းကို တော်လှန်ရေးအင်အားစုများက သိမ်းယူထားသည်။ အများစုမှာ ရှမ်းပြည်နယ်နှင့် ရခိုင်ပြည်နယ်တို့မှဖြစ်ပြီး တိုင်းစစ်ဌာနချုပ် နှစ်ခုအပါအဝင် အခြေစိုက်တပ်စခန်းပေါင်း ၁၄၁ ခုထက်မနည်း ဖြစ်ပါသည်။

ရခိုင်ပြည်နယ်တွင် မဟာဗျူဟာကျ တရုတ်ရင်းနှီးမြှုပ်နှံမှုစီမံကိန်း ၁၁ ခုရှိပြီး အားလုံးကို အာရက္ခတပ်တော် (AA) က ထိန်းချုပ်ထားသည်။ ထိုအထဲတွင် သံတွဲ၊ အမ်းနှင့် ဂွမြို့တို့ရှိ လေအားလျှပ်စစ်စီမံကိန်းများကိုလည်း အပြည့်အဝထိန်းချုပ်ထားပါသည်။