မြင်ကွင်းကျယ်မှတ်စုများ | အမှတ် (၆၂)
ISP-Myanmar ရဲ့ ဒီတပတ် မြင်ကွင်းကျယ်မှတ်စုမှာ ဒေါ်အောင်ဆန်းစုကြည်ကို ထိုင်းနိုင်ငံခြားရေးဝန်ကြီး ဒွန်ပရာမုဒ်ဝီနိုင်း တွေ့ခွင့်ရခဲ့ပြီးနောက်ပိုင်း သတိပြုရမယ့် နိုင်ငံရေးစတိုရီဇာတ်ကြောင်းနဲ့ ပတ်သက်ပြီး အချက်အလက် အခြေပြု ပိုင်းခြားဖော်ပြထားပါတယ်။ နှစ်ရှည်ထောင်ချခံထားရတဲ့ ဒေါ်အောင်ဆန်းစုကြည်ကို ထိုင်းနိုင်ငံခြားရေးဝန်ကြီး ဒွန်ပရာမုဒ်ဝီနိုင်း တွေ့ခွင့် ရခဲ့ပြီးနောက်ပိုင်း ဆက်စပ်အခြေအနေတွေအပေါ် ISP-Myanmar ရဲ့ ကနဦးသုံးသပ်ချက် အမှတ်-၁၆ မှာ ဖော်ပြခဲ့ပါတယ်။
ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ်မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် တနင်္လာနေ့တိုင်း ထုတ်လွှင့်နေပါတယ်။