မြင်ကွင်းကျယ်မှတ်စုများ | အမှတ် (၁၄)
အာဏာသိမ်းမှုအလွန် အခုနှစ် ဇူလိုင်လကုန်အထိ တနိုင်ငံလုံးမှာ တိုက်ပွဲပေါင်း ၆,၀၀၀ ကျော် ဖြစ်ပွားခဲ့ပါတယ်။ ဒီအထဲမှာ တရုတ် ရင်းနှီးမြှုပ်နှံမှုစီမံကိန်းကြီးတွေရှိရာ ဒေသတွေနဲ့ အကောင်အထည်ဖော်ဖို့ ပြင်ဆင်နေတဲ့ဒေသတွေလည်း ပါ၀င်ပါတယ်။ မြန်မာနိုင်ငံအနှံ့ တရုတ်စီမံကိန်းကြီးတွေရှိတဲ့ မြို့နယ်တွေမှာ တိုက်ပွဲပေါင်း ၂၀၄ ကြိမ်ထက်မနည်း ဖြစ်ပွားခဲ့ပါတယ်။ ISP-Myanmar ရဲ့ဒီတပတ် မြင်ကွင်းကျယ်မှတ်စု မှာ ဒီအကြောင်းအချင်းရာကို အချက်အလက် အခြေပြုပိုင်းခြားဖော်ပြထားပါတယ်။
ပဋိပက္ခ၊ ငြိမ်းချမ်းရေးနဲ့ လုံခြုံရေးဆိုင်ရာကိစ္စရပ်တွေ၊ တရုတ်အရေးလေ့လာမှုနဲ့ နိုင်ငံရေး ဘောဂဗေဒ ဆိုင်ရာစတဲ့ အကြောင်းခြင်းရာတွေ ပါဝင်မယ့် မြန်မာ့အရေး မြင်ကွင်းကျယ်မှတ်စုတွေကို အချက်အလက်အခြေပြု ရှုထောင့်ကနေ မြန်မာ့မဟာဗျူဟာနှင့် မူဝါဒလေ့လာရေး အင်စတီကျု (ISP-Myanmar) က အပတ်စဉ် တင်ဆက်နေပါတယ်။ မြင်ကွင်းကျယ် မှတ်စု ရုပ်သံအစီအစဉ်ကို ဗွီအိုအေ မြန်မာဌာန (VOA Burmese) က အပတ်စဉ် ဗုဒ္ဓဟူးနေ့တိုင်း ထုတ်လွှင့်နေပါတယ်။